By Chat Too Much
All mi fans who miss mi big up uhnu self and all dem artiste deh who nuh like mi thru mi Chat Too Much nuh watch nuh face just doing my job darling, but when mi done today uhnu going to love mi.
First thing mi a touch and di only topic is di Reggae Bacademy it’s not even fitting fi use di prestigious word academy. Mi nuh vex about who and who won awards but fi know seh mi dressed like Beyonce and hot like Rihanna and touch di red carpet, I felt like a star for di first time inna mi mix up life, but as soon as mi step through di door is a peanut man dat approached mi, “nuts or winter fresh” - I was so shocked, I then paused for a moment looked around and then even went as far as fi asked someone if this is di venue for di Reggae Academy. People mi could not believe dat di peanut man got invited in a him cut off foot pants and waan wash out shirt it was a disgrace after a nuh stage show wi deh.
A next thing dem have two different place for presenting the awards what was the purposed mi nuh kno because di two back ground luk di same way so wha di sense. Di poor little photographers running from left to right trying to keep up wid di pace, even Asafa would a get tired.
No Award for Mavado
At least Queen I-Frica and Jah Cure got nominated even though them nuh get nothing but Mavado wasn’t even on di nomination list, ‘mi can’t believe mi eye’, that’s rather insane di youth album di good, uhnu fi give di youth dem a chance man, trust mi dem diss David Brooks AKA Mavado and some people call him Mafraudo. People pure things gwaan a di Academy, oohps, sorryyyy, mi mean Bacademy as mi seh before the word academy too decent fi describe dat deh show. Anywaz mi hear seh “Don Call Nayomi” get vex and walked out when Steven McGregor won di award for dancehall compilation of di year something like dat.
Mi respect Steven Marley but them should a neva let him won Producer of The Year and if people look pon it di way how mi luk pon it, then yuh woulda si dat dem quietly diss Steven Marley and him don’t even kno, then again maybe him kno because him not even come a di Reggae Bacademy. How can we compared di other producers who used one day or less fi mek a hit song, while a young veteran like Steven Marley will used a week or two fi mek a hit song because them man deh believe in a quality music.
Reggae Album of Di Year
Oh god! Mi seh it aready and mi aguh seh it again yuh cannot, I repeat yuh cannot placed Steven Marley into this category, as mi seh if yuh feel like Steven Marley deserved an award don’t placed di man in a nuh Category just give him an honor award. If Steven never in dat category Jah Cure woulda won dat by far wid him True Reflection album, poor little Jah Cure nuh worry yuh self yute, it’s just di Reggae Bacademy not di Academy
Shaggy - Dancehall Album of di Year
Shaggy is also another big man inna di business, but him nuh deserved dat award, come on man, Shaggy thing bigger than Jamaica. It would have been much better if they had gave Mr Boombastic Shaggy di award for best International Dancehall/Reggae Artiste instead of giving it to Collie Budz, even Sean Kingston would have deserved that award.
Who let in di peanut man?
What happened to Beenie Man & Barbee where they were?
Why Jah Cure, Queen Ifrica and Mavado nuh get nuh award?
The opinion of this writer's article is not necessarily the opinion and views of OutAroad.com