« Did Beenie Man's wife D'Angel cheated on him? | Main | Beenie Man's 'Back It Up' still holding strong in the #1 position »

Lyrics for Baby Cham's 'Possess A Man'

Fi di yute dem! Seen! Yo!!!

Verse 1:
Wah coulda possess a man?! Fi tun a AK-47 pon a young woman?!
And have di heart to send har go to neverland mi have a question
When oonu kill off di woman dem weh oonu fi do, F man!!!?
Eh! Wah coulda possess a yute?! Fi lick dung a baby modda and har likkle yute
Look how she beg him and plea but him still a shoot
And come back pon di corna and a laff and a tink seh it cute
Nah mon dem bredda yah bad
Jamaica when yuh read di news it nuh mek yuh sad
Man a shot up a church and a seh dem bad
Hold on now mon, weh yuh try fi tell mi seh, gunman nuh rate God?!
Government oonu weh yuh do?! Yuh see it look inna mi eyes did I tell oonu?!
Some man a talk bout dem a shotta dem a eddie poo
A must a cow push dem out cau mi caan believe dem have a modda too

A nuh so mi know it go, a nuh so we do we ting
Yardman nuh murda old woman and kill sucklin!
A some sick white people do dem ting deh a farin!
Yo mi lose off a oonu weh di man dem study king?!
A nuh so di ghetto run, a nuh rumor mi a spread
Bout man nuh rape likkle pickney in Jamaica and nuh dead!
Man nuh rob poor people and a don nuh buss dem head!
Man nuh bun dung house wid old people inna bed!

Verse 2:
Yo a Sherlock mi live and mi know certain flex
Man nuh tief a phone card incase dem need fi send a text
Man nuh run off dem tool when man a man vex!
Bout badman nuh lay dung wid di same sex
Mi and mi modda Siddung pon mi veranda
We a all a reason and read di news paper
She a ask what's di deal wid dem likkle yute yah
Mi caan figure it out, mi still a wonda